WILLIAM SAMOE ARAP RUTO
Mr William Samoe arap Rutto ko chito neigaseenge Ng'uony komugul en ng'omnatet nekiigoji Jehova. Agot biik chekimokomache inendet en tai korure konyeek ak komwa en muguleldanyuan kole kiiberur Jehova inendet. Inendet ko kipsomaniat Nekisoman agoi University nebo Nairobi. Kiigilge en mung'areet konameen aldaeetap ingokaik agai koyatak oreetap polateet. En kenyitaab 1992, kiagenge en barnotiik che king'alaljin biik kobirchi kura chpekeres, anan ko arap Moi. Kiyai boisiet neo mising ak kigochi Kanu party kobelis missing. Kitestai William Ko Gilge en boisiet nekigikoji ak kiyai boisiet ne kararan kot mising. Kinkomwa inendet kolemoche kobarjige ngecheretap President nebo Kenya ko kigirorechi biik chechang kokilenen koyob ano neranani? Kitesta William kotechge en ng'aleekap bolotet, kot koit kasarta nekigeer kotab Kalenjin kole yamegei koik Tugetaab Kalenjin. En Kenyiitab 2007 kokitoret Raila Odinga yekingobarjinge ng'echeretap President, ko nganda kimata konyor ng'echeranoto, yeibata kokinyo chemarket ne kiyakot en emetap Kenya.Kikitumda korotikot missing ak kibeek bik ng'isiaat. Kieleet Kogasyin Kibaki kopchey Kandoinatet ak Raila, kigochi Raila koik Prime Minister, koik Kibaki President. Kikilewen anyun William, koik Minister nebo Agriculture ak kiyai kasiit nekararan kot mising. Mabaibait Raila yekinkogere William koluu en taitap biik chechang. Netai, kokiesyo kokochi ng'echeretap Deptuy nenyin, amu kikoipchi kuraisiek million 3. akokiikochi Mudavadi nekimoipchi kura chetiana, koik Deputy. Kimuita William kobaten Kiisub kora Raila ak kobuutan kasiitap Minista nebo Agriculture. Kibutaan bikap Kalenjin chekimi kondochin kebeberweek chechang en serkali. Kiwo kora koon Agiek chekimeng'isie en korikwak en osnetap Mau. Agiek ko meng'isie en Osnosieek ama weche kiy amu bare cheptirkichiik kityo ak kwamee kumiik. Kichengjinge Raila konaak en ng'wony asi kele ribe ng'aleekap environment. Kimwa en kutinyiin kole agot indobetos kuraisiekap Kalenjin, kogaigai kwo kobir Mandasi en Kibera. En Kenyiitap 2013 koesio kotap Kalenjin komugul kobirji kura Raila. Kiwo Raila kosom kura kotap Kalenjin ak kotiem lkosom nyoetap kaat, komaiyan Kalenjin amu kitook ko Raila komachito nekiyoni en boisionikyik. Ara kibirji Kalenjin Komugul Uhuru Muigai Kenyatta, ak koib ng'echeret. Kiwo kotini Raila koesio walutikap lewenisiet nigikabor kole kabelis Uhuru Kenyatta. Kigiip ng'aleek koba kapkiruok nebo baraak ak kitook kele kiib kura Uhuru. Kitoo Serkalinyin Uhuru ak Koek William Deputy President en Serkaliitap Uhuru, ak koyai boisiet nemie kot koboiboekitu bikaap ng'uony komugul. Kigilewen kipsomaninichu ang'wan kobois en serkaliitap Uhuru Kenyatta; Henry Rotich, (Ministry of National Treasury), Davis Chirchir (Ministry of Energy & Petrolium) , Phillis Chepkosgey (Ministry of East African Affairs), Felix Kiptarus Kosgey (Ministry of Agriculture, Livestock & Fisheries)